Նոան Երևանում զիջեց Սիգմային (տեսանյութ)

Կոնֆերենցիաների լիգայի հիմնական փուլի 3-րդ տուրում «Նոան» ընդունել էր «Սիգմային» ու զիջեց 1։2 հաշվով։

Հանդիպման հաշիվը բացեց Ֆիլիպ Սլավիչեկը՝ 10-րդ րոպեին։ 21-րդ րոպեին Նարդին Մուլահուսեյնովիչը վերականգնեց հաշվի հավասարությունը՝ խփելով իր 3-րդ գոլը ԿԼ-ի ընթացիկ մրցաշրջանում (տեսանյութը՝ այստեղ)։ Բոսնիացի հարձակվողի գոլից 3 րոպե անց Աբդուլայե Սիլան կրկին առաջ մղեց «Սիգմային»՝ նվիրելով իր թիմին 3 միավոր։

1-ին կեսի միջնամասում հանդիպման գլխավոր մրցավար Մուհամեդ Ուսման Ասլամն ընդհատեց հանդիպումը հայ և չեխ երկրպագուների բախման պատճառով։ Մարզադաշտի հյուրերի համար նախատեսված սեկտորների բաժանման վայրում անվտանգության աշխատակիցների բացակայության պատճառով իրավիճակը կտրուկ լարվեց։ Երկրպագուները տարբեր առարկաներ էին նետում իրար վրա։ Տեսանյութը՝ այստեղ։

Այս խաղից հետո Կոնֆերենցիաների լիգայի մրցաշարային աղյուսակը ստացավ հետևյալ տեսքը՝



Հիշեցնենք, որ հաջորդ տուրերում «Նոան» կմրցի շոտլանդական «Աբերդինի», ուկրաինական «Դինամո Կիևի» և լեհական «Լեգիայի» հետ։