Սելարայանն այլևս չի կարող միանալ հավաքականին․ Եղիշե Մելիքյան
Հայաստանի ազգային հավաքականի գլխավոր մարզիչ Եղիշե Մելիքյանն այսօր տեղի ունեցած ասուլիսի ընթացքում հայտնել է, որ ազգային ընտրանու ավագը կլինի Էդուարդ Սպերցյանը։
Այս թեմայից զատ, 46-ամյա մասնագետը խոսել է այլ թեմաների մասին ևս, այդ թվում՝ Լուկաս Սելարայանի՝ հավաքականում կարիերան ավարտելու մասին։
«Մինչև իմ գալը Լուկասը ցանկանում էր ավարտել կարիերան հավաքականում։ Խոսեցի նրա հետ, ասացի, որ հավաքականն ունի իր կարիքը։ Իռլանդիայի դեմ խաղից առաջ ասաց, որ ընտանեկան խնդիրներ կան ու այլևս չի կարող գալ։ Շնորհակալություն հայտնեցի և ասացի, որ հավաքականի դռները միշտ բաց են նրա համար»,-հայտնել է Մելիքյանը։
Հիշեցնենք, որ Հայաստանի ազգային հավաքականը նոյեմբերի 13-ին ու 16-ին կանցկացնի 2 հանդիպում՝ աշխարհի առաջնության ընտրական փուլի շրջանակում մրցելով Հունգարիայի ու Պորտուգալիայի հավաքականների դեմ։
