Ազգային հավաքականից հրավեր ստանալը երազանք էր․ Բանդիկյան
Հայաստանի ազգային հավաքականի նորեկ Արտյոմ Բանդիկյանը զրուցել է Հայաստանի ֆուտբոլի ֆեդերացիայ մամուլի ծառայության հետ․
«Հայաստանի ազգային հավաքականից հրավեր ստանալը երազանք էր։ Երկար էի սպասել այս պահին։ Ուրախ եմ, որ այն իրականացավ։ Կներդնեմ առավելագույն ուժերս թիմին օգնելու համար։ Մարզումային 1-ին օրը ամեն ինչ հիանալի էր։ Զգացողություններս շատ լավ են։ Ինչ վերաբերում է Մելիքյանին, ապա նա լավ մարզիչ է ու ժամանակակից ֆուտբոլ է դավանում։ Նա միշտ խաղում է հաղթանակի համար»,-նշել է Բանդիկյանը։
Հիշեցնենք, որ Մոսկվայի ԲԿՄԱ-ի ֆուտբոլիստն առաջին անգամ է հրավիրվել Հայաստանի ազգային հավաքական։ Ավելի վաղ, Բանդիկյանը հրավիրվում էր Հայաստանի երիտասարդական հավաքական։
Հայաստանի ազգային հավաքականը նոյեմբերի 13-ին ու 16-ին կանցկացնի աշխարհի 2026 թվականի առաջնության ընտրական փուլի վերջին հանդիպումները՝ մրցելով համապատասխանաբար Հունգարիայի ու Պորտուգալիայի հավաքականների դեմ։
