Բասկետբոլի Ա լիգա. Ուրարտուն հաղթել է Հատիսին, Էրեբունին՝ ԲԿՄԱ-ին
ՊրոԲասկետ Ա-Լիգայի 2025/2026 մրցաշրջանի հերթական խաղում «Ուրարտուն» Սպորտի կառավարման կենտրոնի ենթակայությամբ գործող մարզահամալիրում մրցել է «Հատիսի» հետ և լարված պայքարում 110։92 հաշվով հաղթանակ է տարել:
Հանդիպման ամենաարժեքավոր խաղացող է ճանաչվել «Ուրարտուի» խաղացող Թեոդոր Վուլֆը, որը վաստակել է 33 միավոր, 9 անգամ տիրել է անդրադարձող գնդակին և կատարել է 1 արդյունավետ փոխանցում։
Տուրի մյուս խաղերում «Էրեբունին» 89:60 հաշվով առավելության է հասել ԲԿՄԱ-ի հետ խաղում։ Հանդիպման MVP է ճանաչվել «Էրեբունիի» խաղացող Արտյոմ Բիչախչյանը, որը վաստակել է 8 միավոր, տիրել է 13 անդրադարձող գնդակին, կատարել է 10 արդյունավետ փոխանցում և 9 խլում:
«Օլիմպավանն» էլ 81:75 հաշվով հաղթել է «Արթիկին»։ Հանդիպման MVP է ճանաչվել «Օլիմպավանի» խաղացող Վյաչեսլավ Կապիտոնովը, որը վաստակել է 14 միավոր և տիրել է 16 անդրադարձող գնդակին։
