Պաշտոնական. Հարոյանը հեռացել է հունգարական ակումբից
Հայաստանի հավաքականի նախկին ավագ Վարազդատ Հարոյանը լքել է հունգարական «Կազինչբարչիկայից»։ Պայմանագիրը խզվել է փոխադարձ համաձայնությամբ։ Այս մասին հայտնում է ակումբի պաշտոնական կայքը:
Նշվում է՝ Հարոյանն ընտանեկան հանգամանքներից ելնելով խնդրել է խզել պայմանագիրը: Ակումբն ընդառաջել է ֆուտբոլիստին:
Հարոյանն ընթացիկ մրցաշրջանում Հունգարիայի առաջնությունում մասնակցել է 9 խաղի՝ խփելով մեկ գոլ։
