Կանանց Հայաստանի Մ-19 հավաքականը պարտվեց Սերբիայի հասակակիցներին
Մեկնարկեց կանանց Եվրոպայի Մ-19 տարեկանների առաջնության նախընտրական փուլը։ Առաջին խաղում կանանց Հայաստանի Մ-19 հավաքականը 0-3 հաշվով պարտվեց Սերբիայի հասակակիցներին։
Մարիամ Ստեփանյանի գլխավորած թիմը B1 խմբում է, որտեղ ընդգրկված են նաև Մոնտենեգրոյի ու Կիպրոսի հավաքականները։ Ավելի վաղ Մոնտենեգրոյի թիմը 3-1 հաշվով հաղթել է Կիպրոսի ընտրանուն։
Կանանց Հայաստանի Մ-19 հավաքականը հաջորդ հանդիպումը կանցկացնի նոյեմբերի 29-ին։ Մրցակիցը Մոնտենեգրոյի հավաքականն է։ Խմբի բոլոր հանդիպումներն անցկացվում են Սերբիայում։