Մոսկվայի հայկական եկեղեցում երեկ տեղի է ունեցել լեգենդար ֆուտբոլիստ և օլիմպիական չեմպիոն Նիկիտա Սիմոնյանի հոգեհանգստի արարողությունը, հայտնում է Ռուսաստանի հայերի միությունը
Արարողությանը մասնակցել են Արարատ 73-ի նախկին ֆուտբոլիստներ Նորայր Մեսրոպյանը, Էդուարդ Մարկարովը, Սերգեյ Բոնդարենկոն, «Փյունիկի» նախկին սեփականատեր Արթուր Սողմոնյանը, ինչպես նաև հայ համայնքի այլ ականավոր անդամներ, նրա ընկերներն ու ընտանիքի անդամները։ Հոգեհանգստի արարողությունն անցկացվել է հայերենով՝ Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ արքեպիսկոպոս Եզրաս Ներսիսյանի կողմից։
Նիկիտա Սիմոնյանին այսօր՝ նոյեմբերի 27-ին, վերջին հրաժեշտ կտան Մոսկվայի «Լուկոյլ Արենա» մարզադաշտում, որտեղ իր տնային հանդիպումներն է անցկացնում «Սպարտակ» ՖԱ-ն։ Նրա աճյունը կամփոփվի Մոսկվայի Վագանկովյան գերեզմանատանը։
Հայաստանից հուղարկավորությանը կմասնակցի ՀՀ վարչապետի աշխատակազմի ղեկավար Արայիկ Հարությունյանը։
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
