Fastex Պրեմիեր լիգայի 15-րդ տուրում «Գանձասարն» ընդունել էր ԲԿՄԱ-ին։ Գրանցվեց գոլազուրկ ոչ-ոքի։
30-րդ րոպեին ուղիղ կարմիր քարտով խաղադաշտից հեռացվեց տանտերերի կիսապաշտպան Լյուկ Մերիլը։
77-րդ րոպեին Ուսման Աջիբոնան փայլուն անցումից հետո մեն-մենակ մնաց ԲԿՄԱ-ի դարպասապահ Դավիթ Դավթյանի դիմաց, սակայն Մարկ Ավետիսյանը կարողացավ հեռացնել գնդակը, որից հետո հանդիպման գլխավոր մրցավար Հենրիկ Նալբանդյանը նշանակեց ազատ հարված։ Մրցավարի որոշմանը կտրուկ արձագանքելու համար կարմիր քարտ ստացավ նաև «գանձասարցիների» ավագ Տարոն Ոսկանյանը, ինչից հետո կրքերը թեժացան և Նալբանդյանը հեռացրեց նաև «Գանձասարի» գլխավոր մարզչի օգնականին։ Նալբանդյանը վերանայեց որոշումն ու նշանակեց անկյունային։
Այս խաղից հետո ԲԿՄԱ-ն 12 միավորով 7-րդ տեղում է։ «Գանձասարը» 10 միավորով 9-րդն է։
