Կրասնոդարը ջախջախեց մրցակցին․ Սպերցյանը դուբլի ու գոլային փոխանցման հեղինակ (տեսանյութ)

Ռուսաստանի Պրեմիեր լիգայի 17-րդ տուրում «Կրասնոդարն» ընդունել էր «Կռիլյա Սովետովին» ու ջախջախեց 5։0 հաշվով։

Հայաստանի ազգային հավաքականի ավագ Էդուարդ Սպերցյանն ընդգրկված էր «Կրասնոդարի» մեկնարկային կազմում ու մասնակցեց ամբողջ հանդիպմանը։ 25-ամյա ֆուտբոլիստը նախ 40-րդ րոպեին խփեց իր թիմի 2-րդ գոլը (տեսանյութ), ապա 53-րդ րոպեին դիպուկ իրացնելով 11-մետրանոցը՝ մեծացրեց իր թիմի առավելությունը (տեսանյութ)։ Հիմնական ժամանակի վերջին րոպեին Սպերցյանի փոխանցումից աչքի ընկավ Վիտոր Տորմինան (տեսանյութ)։ 1-ական անգամ էլ աչքի ընկան Ջոն Կորդոբան ու Դուգլաս Ագուստոն։

Սպերցյանն այս խաղում խփեց ՌՊԼ-ի ընթացիկ մրցաշրջանում իր 8-րդ գոլն ու կատարեց 11-րդ գոլային փոխանցումը։

Այս հաղթանակից հետո «Կրասնոդարը» 37 միավորով գլխավորում է մրցաշարային աղյուսակը։