Տիկնիզյանի գործակալ. Նաիրի նկատմամբ հետաքրքրություն կա Ռուսաստանի Պրեմիեր լիգայից և Եվրոպայից

Սերբական «Ցրվենա Զվեզդայի» և Հայաստանի հավաքականի պաշտպան Նաիր Տիկնիզյանի ծառայություններով հետաքրքրված են եվրոպական ակումբներ, ինչպես նաև Ռուսաստանի Պրեմիեր լիգայի (ՌՊԼ) թիմեր: Այս մասին Match TV-ին ասել է նրա գործակալ Ալեքսանդր Կլյուևը։

Տիկնիզյանը «Ցրվենա Զվեզդային» է միացել հունիսին։ Հայ պաշտպանը Բելգրադը ներկայացնող ակումբի կազմում անցկացրել է 21 խաղ բոլոր մրցաշարերում՝ կատարելով երկու գոլային փոխանցում։

- Լրատվամիջոցներում տարբեր հաղորդագրություններ կան Նաիրի նկատմամբ ՌՊԼ-ի առաջատար ակումբների հետաքրքրության մասին։ Արդյոք դա ճի՞շտ է։

- Նաիրի նկատմամբ հետաքրքրություն կա Ռուսաստանի Պրեմիեր լիգայից և Եվրոպայից, բայց ես չեմ կարող որևէ կոնկրետ ակումբ նշել։

Տիկնիզյանը 26 տարեկան է և 2021-2025 թվականներին խաղացել է Մոսկվայի «Լոկոմոտիվում»։