Կրասնոդարը հաղթեց տարվա վերջին խաղում․ Էդուարդ Սպերցյանը՝ գոլային փոխանցման հեղինակ (տեսանյութ)

Ռուսաստանի Պրեմիեր լիգայի 18-րդ տուրում «Կրասնոդարն» ընդունել էր Մոսկվայի ԲԿՄԱ-ին ու հաղթեց 3։2 հաշվով։

Խաղի հաշիվը 11-րդ րոպեին բացեց Մոիսեսը։ 38-րդ րոպեին Ջոն Կորդոբան վերականգնեց հաշվի հավասարությունը։ 51-րդ րոպեին Էդուարդ Սպերցյանի փոխանցումից աչքի ընկավ Վիկտոր Սան (տեսանյութ), իսկ 70-րդ րոպեին Ժոաո Բատչին խփեց «Կրասնոդարի» 3-րդ գոլը։ Հիմնական ժամանակին ավելացրած 1-ին րոպեին Մաթեուս Ալվեսը կարողացավ կրճատել հաշվի տարբերությունը։

Հայաստանի ազգային հավաքականի ավագն ընդգրկված էր «Կրասնոդարի» մեկնարկային կազմում ու մասնակցեց ամբողջ հանդիպմանը։ 25-ամյա ֆուտբոլիստն իր ակտիվում գրանցեց 12-րդ գոլային փոխանցումն ու այս ցուցանիշով միանձնա առաջատար է։ Հայ ֆուտբոլիստը նաև դարձել է 8 գոլի հեղինակ, որը 4-րդ ցուցանիշն է։ Գոլ+գոլային փոխանցում ցուցանիշով Սպերցյանը կրկին առաջատար է։

Այս հաղթանակից հետո ՌՊԼ-ի գործող չեմպիոնը 40 միավորով ամրապնդվում է 1-ին տեղում։ Սա «Կրասնոդարի» վերջին պաշտոնական հանդիպումն էր 2025 թվականին։