Հայաստանի ամենամեծ քաղաքը, որը հիմնադրվել է մ.թ.ա. 782 թվականին. Լեգիան՝ Երևանի մասին
Վարշավայի «Լեգիան» Կոնֆերենցիաների լիգայի Լիգայի փուլի՝ «Նոայի» հետ վաղը կայանալիք խաղից առաջ այսօր շրջել է Երևանում, ծանոթացել մայրաքաղաքի հնագույն պատմությանը:
«Հայաստանի ամենամեծ քաղաքը, որը հիմնադրվել է մ.թ.ա. 782 թվականին»,- հրապարակված լուսանկարներին կից ասվում է լեհական ակումբի տարածած հաղորդագրության մեջ:
Մեկ այլ հրապարակման մեջ էլ ասվում է. «Երևանը՝ Հայաստանի մայրաքաղաքը, աշխարհի ամենահին քաղաքներից մեկը (մ.թ.ա. 782 թվական): Քաղաք, որտեղ պատմությունը միաձուլվում է ժամանակակից լուծումների և արվեստի հետ, իսկ սուրբ Արարատ լեռան ստվերը կախված է նրա փողոցների վրա»:
