Նոան հաղթեց Լեգիային՝ կարևորագույն քայլ կատարելով ԿԼ փլեյ-օֆֆ դուրս գալու համար (տեսանյութ)

Կոնֆերենցիաների լիգայի հիմնական փուլի 5-րդ տուրում «Նոան» ընդունել էր «Լեգիային» ու հաղթեց 2։1 հաշվով։

Հանդիպման հաշիվը բացեց Միլետա Ռայովիչը՝ 3-րդ րոպեին։ 57-րդ րոպեին Մաթեուս Այասը վերականգնեց հաշվի հավասարությունը, իսկ 84-րդ րոպեին Նարդին Մուլահուսեյնովիչը հաղթանակ պարգևեց Հայաստանի գործող չեմպիոնին։ Բոսնիացի հարձակվողի համար այս գոլը 5-րդն էր Կոնֆերենցիաների լիգայի հիմնական փուլում։ Նա գոլի հեղինակ է դարձել յուրաքանչյուր խաղում։

«Լեգիայի» կազմում հանդիպմանը մասնակցեց նաև Հայաստանի ազգային հավաքականի կիսապաշտպան Վահան Բիչախչյանը, որը փոխարինման մտավ 82-րդ րոպեին։

Այս հաղթանակից հետո «Նոան» վաստակեց 8 միավոր՝ գործնականում նվաճելով անցումային փլեյ-օֆֆի ուղեգիր։ Տեսանյութ։

Վերջին՝ 6-րդ տուրում «Նոան» Լեհաստանում կմրցի Կիևի «Դինամոյի» հետ։