Սլովանը շարունակում է անհաջող ելույթները ԿԼ-ում․ Բարսեղյանը վերադարձավ խաղադաշտ

Կոնֆերենցիաների լիգայի հիմնական փուլի 5-րդ տուրում «Սլովանը» հյուրընկալվել էր «Շկենդիային» ու զիջեց 0։2 հաշվով։

Հայաստանի ազգային հավաքականի ֆուտբոլիստ Տիգրան Բարսեղյանը, որն ապաքինվում էր վնասվածքից, փոխարինման դուրս եկավ 72-րդ րոպեին ու 85-րդ րոպեին զգուշացվեց դեղին քարտով։

Բարսեղյանը վերջին անգամ հանդիպման մասնակցել էր նոյեմբերի 6-ին։

Այս հանդիպումից հետո Բրատիսլավան ներկայացնող ակումբը 3 միավորով 31-րդ տեղում է։ Վերջին՝ 6-րդ տուրում «Սլովանը» կմրցի «Հակենի» հետ։