Փյունիկն ու Շիրակը հայտարարեցին ֆուտբոլիստների հեռանալու մասին

Fastex Պրեմիեր լիգայում հանդես եկող ակումբները հայտարարել են ֆուտբոլիստների հետ պայմանագրերը խզելու մասին։

«Փյունիկից» հեռացել են Դանիիլ Պոլյանսկին և Սերոբ Գալստյանը, «Շիրակից»՝ Սերյոժա Ուռուշանյանը։

Դարպասապահ Պոլյանսկին երևանյան ակումբի գլխավոր թիմի կազմում հանդիպման չէր մասնակցել, իսկ Գալստյանն անցկացրել էր 3 հանդիպում։

Սերյոժա Ուռուշանյանն էլ «Շիրակի» մարզաշապիկով խաղադաշտ էր դուրս եկել 113 անգամ՝ դառնալով 4 գոլի ու 6 գոլային փոխանցման հեղինակ։

Ակումբները շնորհակալություն են հայտնել ֆուտբոլիստներին ու մաղթել նրանց հաջողություն՝ հետագա կարիերայի ընթացքում։