Fastex Պրեմիեր լիգայում հանդես եկող ակումբները շարունակում են հայտարարել ֆուտբոլիստների հետ պայմանագրերը խզելու մասին։
Մասնավորապես, Չարենցավանի «Վանի» մամուլի ծառայությունը տեղեկացնում է, որ երկկողմանի համաձայնությամբ խզվել է պայմանագիրը պաշտպան Արթուր Դանիելյանի հետ։
Ավելի վաղ, «Վանը» հայտարարել էր Սեդրիկ Եֆրեմ Դոհի, Պետրոս Աֆաջանյանի, Արսեն Գալստյանի, Իբրահիմ Յուսուֆի, Խամես Սանթոսի հետ պայմանագրերը խզելու մասին։
«Շիրակն» էլ հայտարարել է թիմի պաշտպան Ռոբերտ Դարբինյանի հետ պայմանագիրը խզելու մասին։ Գյումրեցիները հայտարարել էին նաև Սերյոժա Ուռուշանյանի ու Ռազմիկ Հակոբյանի հեռանալու մասին։
Ակումբները շնորհակալություն են հայտնել ֆուտբոլիստներին՝ կատարած աշխատանքի համար ու մաղթել հաջողություն։
