Նարեկ Գրիգորյանը գոլային փոխանցման հեղինակ է դարձել (տեսանյութ)

Ռումինիայի առաջնության 20-րդ տուրում «Ֆարուլն» ընդունել էր «ՈՒՏԱ Արադին»։ Հանդիպումն ավարտվեց 1։1 հաշվով։

Խաղի հաշիվը, Հայաստանի ազգային հավաքականի կիսապաշտպան Նարեկ Գրիգորյանի փոխանցումից, բացեց Յոնուց Վինեն՝ 33-րդ րոպեին։ 77-րդ րոպեին Վալենտին Կոստակեն դիպուկ իրացնելով 11-մետրանոցը վերականգնեց հաշվի հավասարությունը։

Գրիգորյանն ընդգրկված էր տանտերերի մեկնարկային կազմում ու մասնակցեց ամբողջ հանդիպմանը։ Սա 24-ամյա ֆուտբոլիստի 5-րդ արդյունավետ գործողությունն էր Ռումինիայի առաջնության ընթացիկ մրցաշրջանում։ Նա դարձել է 2 գոլի ու 3 գոլային փոխանցման հեղինակ։

Այս խաղից հետո «Ֆարուլը» 27 միավորով 10-րդ տեղում է։