9 տարի առաջ այս օրը Հենրիխ Մխիթարյանը հեղինակեց կարիերայի լավագույն գոլերից մեկը (տեսանյութ)

9 տարի առաջ այս օրը՝ 2016 թվականի դեկտեմբերի 26-ին Անգլիայի Պրեմիեր լիգայի 18-րդ տուրի «Մանչեսթեր Յունայթեդ»-«Սանդերլենդ» հանդիպման 86-րդ րոպեին Հայաստանի ազգային հավաքականի լավագույն ռմբարկու Հենրիխ Մխիթարյանը հեղինակեց կարիերայի լավագույն գոլերից մեկը։

Անգլիայում հայտնի դարձած «կարիճ գոլը» Մխիթարյանը հեղինակեց Զլատան Իբրահիմովիչի փոխանցումից՝ խփելով «կարմիր սատանաների» 3-րդ գոլն այդ դիմակայությունում։ Տեսանյութը՝ այստեղ։

2016/17 մրցաշրջանում ազգային հավաքականի նախկին ավագը «Մանչեսթեր Յունայթեդի» կազմում մասնակցել է 40 հանդիպման՝ դառնալով 11 գոլի ու 3 գոլային փոխանցման հեղինակ։