Հպարտ եմ, որ ինձ վստահվել է ներկայացնել Հայաստանը․ Էդուարդ Սպերցյան

Հայաստանի ազգային հավաքականի ավագ Էդուարդ Սպերցյանը, որը ճանաչվել է Հայաստանի տարվա լավագույն ֆուտբոլիստ, գրառում է կատարել իր տելեգրամյան ալիքում՝

«Ինձ համար մեծ պատիվ է ճանաչվել Հայաստանի տարվա լավագույն ֆուտբոլիստ։ Ի սրտե շնորհակալ եմ բոլոր նրանց, ովքեր քվեարկել, հավատացել ու աջակցել են ինձ՝ այս ճանապարհին։ Այս տարին հեշտ չէր, բայց հենց նման պահերն են մեզ ձևավորում։

Առանձնահատուկ շնորհակալություն Հայաստանի հավաքականին՝ խաղընկերներիս, մարզչական շտաբին ու բոլոր նրանց, ովքեր ամեն խաղի դուրս են գալիս երկրի համար կռվելու։

Հպարտ եմ, որ ինձ վստահվել է ներկայացնել Հայաստանը՝ միջազգային ասպարեզում։

Եվ իհարկե, շնորհակալ եմ երկրպագուներին։ Ձեր աջակցությունը զգացվում է մարզադաշտի սահմաններից դուրս։ Մենք շարունակում ենք աշխատել։ Ամեն ինչ նոր է սկսվում»,-գրել է ֆուտբոլիստը։

Հիշեցնենք, որ Սպերցյանը լավագույնն էր ճանաչվել 17 ձայնով՝ շրջանցելով 8 ձայն հավաքած Հենրիխ Մխիթարյանին։