Ինտերը տարին սկսեց հաղթանակով․ Մխիթարյանը մասնակցեց հանդիպմանը (տեսանյութ)

Իտալիայի առաջնության 18-րդ տուրում «Ինտերն» ընդունել էր «Բոլոնյային» ու հաղթեց 3։1 հաշվով։

Տանտերերի կազմում աչքի ընկան Պիոտր Զիելինսկին (39'), Լաուտարո Մարտինեսն (48') ու Մարկուս Թյուրամը (74')։ «Բոլոնյայի» միակ գոլը հեղինակեց Սանտիագո Կաստորն (83')։

Հայաստանի ազգային հավաքականի նախկին ավագ ու լավագույն ռմբարկու Հենրիխ Մխիթարյանն «Ինտերի» կազմում փոխարինման մտավ 68-րդ րոպեին։

Այս հաղթանակից հետո Քրիստիան Կիվուի սաները 39 միավորով գլխավորում են Ա Սերիայի մրցաշարային աղյուսակն ու հաջորդ տուրում, հունվարի 7-ին, կմրցեն «Պարմայի» հետ։