Եթե ոչ Միլանը կամ Ինտերը, ապա, օրինակ, Լացիոն. Բայրամյանը՝ Սպերցյանի ներուժի մասին

Ռոստովի հայ ֆուտբոլիստ Խորեն Բայրամյանը բարձր է գնահատել իր հայրենակից՝ «Կրասնոդարի» և Հայաստանի հավաքականի ավագ Էդուարդ Սպերցյանի ներուժը։

«Սպերցյանը փոքր տարիքից անցել է բոլոր մակարդակներով և դարձել է «Կրասնոդարի» ավագը՝ թիմը տանելով դեպի չեմպիոնություն։ Էդուարդն ակումբի խորհրդանիշներից մեկն է, ամբողջ քաղաքը սիրում է նրան. նա ինքն է հասել ամեն ինչին և արժանի է դրան։ Թող «Կրասնոդարը» ուրախանա, իսկ Սպերցյանն ինքը կվայելի ամեն ինչ։

Նա 25 տարեկան է։ Կարծում եմ՝ Սպերցյանն ինքը ցանկանում է տեղափոխվել ուժեղ լիգա, բայց առաջարկը պետք է լավը լինի։ Նա այն թիմերի խաղացողը չէ, որոնք Իսպանիայի կամ Իտալիայի առաջնություններում զբաղեցնում են 9-րդ կամ 10-րդ տեղը։ Ես կցանկանայի նրան ավելի բարձր տեղում տեսնել, օրինակ լավագույն հնգյակում։ Եթե ոչ «Միլանը» կամ «Ինտերը», ապա, օրինակ, «Լացիոն»։ Ես նրան համարում եմ հենց այդ մակարդակի խաղացող», - ասել է Բայրամյանը «Չեմպիոնատի» հետ հարցազրույցում։