«Նոայի» մամուլի քարտուղարության փոխանցմամբ՝ ակումբի մարզչական շտաբում մի շարք համալրումներ են տեղի ունեցել։
Թիմին են միացել դարպասապահների մարզիչ Ֆեդյա Կուլագլիչը, ինչպես նաև ֆիզպատրաստության մարզիչներ Յակշա Շկոմռլը և Դանիել Կաստրոն:
Դարպասապահների մարզիչ, բոսնիացի Ֆեդյա Կուլագլիչը նախկինում աշխատել է Քուվեյթը, Սաուդյան Արաբիան և Բոսնիա և Հերցեգովինան ներկայացնող ակումբներում։ Նրա վերջին ակումբը եղել է Քուվեյթը ներկայացնող «Ալ Սալմիյան»։
Խորվաթ մասնագետ Յակշա Շկոմռլն իր ամբողջ մարզչական կարիերայի ընթացքում աշխատել է խորվաթական Սպլիտի «Հայդուկում»:
Դանիել Կաստրոյի վերջին ակումբը եղել է բրազիլական «Բոտաֆոգոն», որի հետ Կաստրոն մասնակցել է 2025 թվականի Աշխարհի ակումբային առաջնությանը։
«Շնորհակալություն ենք հայտնում Ռոմեո Միտրովիչին (դարպասապահների մարզիչ) և Միսլավ Յուրիչևիչին (ֆիզպատրաստության մարզիչ) կատարած աշխատանքի համար»,- ասվում է ակումբի տարածած հաղորդագրության մեջ։
