Վազգեն Թևանյանը՝ միջազգային վարկանիշային մրցաշարի արծաթե մեդալակիր
Հայաստանի ազատ ոճի ըմբշամարտի հավաքականի անդամ, Եվրոպայի չեմպիոն, աշխարհի առաջնության բրոնզե մեդալակիր, աշխարհի գավաթի խաղարկության հաղթող, Տոկիոյի և Փարիզի Օլիմպիական խաղերի մասնակից Վազգեն Թևանյանն արծաթե մեդալ է նվաճել Ալբանիայի մայրաքաղաք Տիրանայում ընթացող Մուհամեդ Մալոյի անվան միջազգային վարկանիշային մրցաշարում:
Հայ ըմբիշը մասնակցել է 70 կգ քաշայինների պայքարին, անցկացրել է 4 գոտեմարտ՝ հաղթահարելով բուլղարացի, մոլդովացի և վրացի ըմբիշների արգելքը:
Եզրափակչում նա 1:4 հաշվով զիջել է Աշխարհի փոխչեմպիոն, Ճապոնիայի ներկայացուցիչ Յոշինոսուկեին և բավարարվել արծաթե մեդալով:
