Մենք չենք ընկճվում. Դերմենջյանը խոսել է Ուկրաինայի դեմ խաղում առաջինը գոլ բաց թողնելու մասին
Ֆուտզալի Եվրոպայի 2026 թվականի առաջնության խմբային փուլի առաջին տուրի՝ Հայաստան-Ուկրաինա հանդիպման լավագույն խաղացող Միհրան Դերմենջյանը, որը դուբլի հեղինակ է դարձել այդ խաղում, ՀՖՖ-ի հետ զրույցում կիսվել է տպավորություններով:
«Ուկրաինան շատ բարդ մրցակից էր, և մարզիչների ցուցումները լսելով դաշտ էինք դուրս եկել: Ճիշտ է՝ առաջինը գոլ բաց թողեցինք, բայց չընկճվելով առաջին գոլը խփեցի, հետո արդեն երկրորդը, որի կապակցությամբ շատ ուրախ եմ:
Կարծում եմ՝ մեր թիմը բոլորից տարբերվում է նրանով, որ մենք չենք ընկճվում, որովհետև այստեղ բոլորն էլ բարձր պրոֆեսիոնալներն են: Մարզիչներն էլ, խաղի սցենարը ասելով, մեզ ցուցումներ էին տվել, որ խաղում ենք մինչև մրցավարի սուլիչը»,- ասել է Դերմենջյանը:
