Սերբական «Ցրվենա Զվեզդան» Եվրոպա լիգայի խաղում հաղթել է շվեդական «Մալմյոին»:Հայաստանի հավաքականի պաշտպան Նաիր Տիկնիզյանը սերբական թիմի կազմում մասնակցել է ամբողջ հանդիպմանը:
Տիկնիզյանը գրառում է կատարել Instagram-ի Storys բաժնում:
«Առաջին նկարում մարդ է, որը նստած է կոտրված սրտով և շատերի կողմից «թաղված»: Բայց նա շարունակում է հավատալ քրտնաջան աշխատանքին, որը մի օր անպայման իր արդյունքը կտա:
Երկրորդ նկարում նույն մարդն է, որն իր ֆուտբոլային կարիերայում առաջին անգամ իր թիմի հետ դուրս է եկել Եվրոպա լիգայի փլեյ-օֆֆ: Այս լուսանկարների միջև տարբերությունն 8 ամիս է:
Երբեմն «ինքդ քո հանդեպ հավատի պակասից» մինչև «բարև, փլեյ-օֆֆ» ընդամենն ընկած է մեկ մրցաշրջան և համառ աշխատանք:
Եթե դու հիմա այն իրավիճակում ես, ինչ ես՝ 8 ամիս առաջ, ապա մի՛ վհատվիր և աշխատի՛ր: Ամեն ինչ կստացվի»,- գրել է Տիկնիզյանը:
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
