Նոան հաղթեց Լեհաստանի չեմպիոնին

ԱՄԷ-ում ուսումնամարզական հավաք անցկացնող «Նոան» ստուգողական խաղում ուժերը չափեց Լեհաստանի չեմպիոն «Լեխի» հետ ու հաղթեց նվազագույն հաշվով։

Հանդիպման միակ գոլը հեղինակեց Հելդեր Ֆերեյրան՝ հիմնական ժամանակին ավելացրած 1-ին րոպեին։ Արդյունավետ փոխանցմամբ աչքի ընկավ Ֆոֆանա Բիլալը։

Նշենք, որ երևանյան ակումբի գլխավոր մարզիչ Սանդրո Պերկովիչը 1-ին ու 2-րդ կեսերի համար խաղադաշտ էր դուրս բերել տարբեր կազմեր։

Հավաքի ընթացքում Հայաստանի չեմպիոնը կմրցի նաև Մոսկվայի «Լոկոմոտիվի» (31․01), «Ռոստովի» (04․02), չինական «Յուննան Յուկունի» (07․02) և ղազախական «Աստանայի» հետ (07․02)։