Հայ ֆուտբոլիստը մասնակցել է ՊՍԺ-ի դեմ Ֆրանսիայի գավաթի խաղին

Ֆրանսիայի գավաթի քառորդ եզրափակչում ՊՍԺ-ն հյուրընկալվելիս մրցել է երկրի չորրորդ լիգան ներկայացնող «Ստադ Բրիոշեն» ակումբի հետ և 7 անպատասխան գնդակ է ուղարկել մրցակցի դարպասը։

Հանդիպումը կայացել է Ռենի «Ռոազոն Պարկ» մարզադաշտում:

Տանտերերի կազմում հանդիպմանը մասնակցել է հայ կիսապաշտպան Արթուր Զաքարյանը: Նա իր թիմի մեկնարկային կազմում է դուրս եկել խաղադաշտ և փոխարինվել է 77-րդ րոպեին։

Զաքարյանը ընթացիկ մրցաշրջանում իր թիմի կազմում մասնակցել է 24 հանդիպման՝ դառնալով 5 գոլի և 2 գոլային փոխանցման հեղինակ։