Հաջողություն մաղթեցի ֆուտզալի Հայաստանի հավաքականին․ Նիկոլ Փաշինյան (տեսանյութ)

Ֆուտզալի Եվրոպայի առաջնության քառորդ եզրափակիչի Հայաստան-Խորվաթիա խաղից առաջ Հայաստանի Հանրապետության վարչապետ Նիկոլ Փաշինյանը տեսազանգով զրուցել է հավաքականի անդամների հետ։

Այս մասին Փաշինյանը տեսանյութ է հրապարակել է ֆեյսբուքի իր էջում՝ կից գրելով․

«Հաջողություն մաղթեցի ֆուտզալի Հայաստանի հավաքականին՝ Եվրո-2026-ի քառորդ եզրափակիչ Հայաստան-Խորվաթիա խաղում»։



Հանդիպումը կմեկնարկի 22։00-ին։ Թիմերի կազմերին ծանոթացեք այստեղ։

Հիշեցնենք, որ ֆուտզալի  Հայաստանի ազգային հավաքականը դարձել է Հայաստանի պատմության ընթացքում խաղային որևէ մարզաձև ներկայացնող առաջին հավաքականը, որը հասել է Եվրոպայի առաջնությունների եզրափակիչ փուլ: Ռուբեն Նազարեթյանի գլխավորած ընտրանին խմբային փուլում տոնելով երկու հաղթանակ (ընդդեմ Ուկրաինայի 2։1, ընդդեմ Չեխիայի 5։4) ու գրանցելով մեկ ոչ-ոքի (ընդդեմ Լիտվայի 3։3)՝ հաղթել էր իր խմբում։