Փյունիկը հաղթել է չինական թիմին. այսօր կմրցեն Սպարտակի դեմ
«Փյունիկն» ԱՄԷ-ում ընթացող ուսումնամարզական հավաքի ընթացքում այսօր ընկերական խաղում 1-0 հաշվով հաղթել է չինական «Յուննան Յուկունին»։
Միակ գոլը խփել է Լուկաս Վիլելան, որը նոր է վերականգնվել վնասվածքից:
«Փյունիկը» այսօր ևս մեկ ընկերական խաղ կանցկացնի՝ մրցելով Մոսկվայի «Սպարտակի» դեմ։ Խաղը կմեկնարկի Երևանի ժամանակով ժամը 17:00-ին։
Նշենք՝ «Փյունիկ Ակադեմիայի» ֆուտբոլիստներ Արամ Ահարոնյանն ու Վարդան Մելիքյանը միացել են ԱՄԷ-ում ընթացող «Փյունիկի» գլխավոր թիմի ուսումնամարզական հավաքին:
