Բռնցքամարտի Հայաստանի առաջնությունը կանցկացվի WORLD BOXING-ի նոր քաշային կարգերով
Փերտվարի 8-ից 14-ը «Դինամո» մարզահամալիրում կկայանան բռնցքամարտի Հայաստանի մեծահասակների և երիտասարդների առաջնությունները։
Փետրվարի 8-ին ժամը 13։00-15:00 «Դինամո» մարզահամալիրում տեղի կունենա թիմերի պատվիրակությունների ժողովը (մանդատը)։ Ժամը 18։00-ին տեղի կունենա վիճակահանությունը։
Բռնցքամարտիկների կշռման արարողությունը` յուրաքանչյուր օր առավոտյան 8-ից 9-ը «Դինամո» մարզահամալիրում։ Մրցումները կմեկնարկեն փետրվարի 9-ին։
Հայաստանի առաջնությունը կանցկացվի WORLD BOXING-ի նոր քաշային կարգերով։
Տղամարդիկ կմրցեն 50, 55, 60, 65, 70, 75, 80, 85, 90 և +90 քաշային կարգերում։
Աղջիկների քաշային կարգերը հետևյալն են՝ 48, 51, 54, 57, 60, 65, 70, 75, 80 և +80։
