Փյունիկը զիջեց Մոսկվայի Սպարտակին (տեսանյութ)

ԱՄԷ-ում ուսումնամարզական հավաք անցկացնող «Փյունիկը» ստուգողական խաղում ուժերն էր չափում Մոսկվայի «Սպարտակի» հետ ու զիջեց 0։2 հաշվով։ Ռուսական ակումբի կազմում աչքի ընկան Լևի Գարսիան (63') և Թեո Բոնգոնդան (85'):

Սա «Փյունիկի» օրվա 2-րդ հանդիպումն էր։ 1-ին խաղում Արտակ Օսեյանի գլխավորած թիմը նվազագույն հաշվով առավելության էր հասել չինական «Յուննան Յուկունի» նկատմամբ։

Ավելի վաղ, երևանյան ակումբը ոչ-ոքի՝ 1։1 հաշվով էր ավարտել հանդիպումը Լատվիայի չեմպիոն «Ռիգայի» հետ։ 
Հավաքի 1-ին խաղում Հայաստանի 16-ակի չեմպիոնը մրցել էր ԱՄԷ-ի երրորդ դիվիզիոնը ներկայացնող «Յունայթեդ Սպորտի» հետ ու հաղթել էր 5։0 հաշվով, 2-րդ խաղում, ունենալով 2 գնդակի առավելություն, «փյունիկցիները» 2։3 հաշվով զիջել էին ռուսական «Ուրալին»։

«Փյունիկի» ուսումնամարզական հավաքը նախատեսված է մինչև փետրվարի 19-ը։