Արարատ-Արմենիան հաղթել է լիտվական Բանգային

Կիպրոսում ուսումնամարզական հավաք անցկացնող «Արարատ-Արմենիան» ստուգողական խաղում ուժերը չափեց լիտվական «Բանգայի» հետ ու հաղթեց 2։0 հաշվով։

Երևանյան ակումբի կազմում աչքի են ընկել Վահրամ Մախսուդյանն ու Արայիկ Էլոյանը։

Հիշեցնենք, որ հավաքի առաջին խաղում Մանուել Տուլիպայի գլխավորած թիմը 3։2 հաշվով հաղթել էր դանիական «Վայլեին», 2-րդ խաղում գոլազուրկ ոչ-ոքի էր խաղացել բուլղարական «Բոտև Վրացայի» հետ, իսկ 3-րդ խաղում նվազագույն հաշվով զիջել էր դանիական «Լյունգբյուին»։

«Արարատ-Արմենիան» ստուգողական հանդիպումներ կանցկացնի նաև դանիական «Հոբրոյի», «H.I.K-ի» և վրացական «Տորպեդո Քութայիսի» հետ: 

«Արարատ-Արմենիայի» հավաքը կտևի մինչև փետրվարի 19-ը։