Միջազգային օլիմպիական կոմիտեն և Գեղասահքի միջազգային ֆեդերացիան դիտարկել են Ադրբեջանի կողմից ներկայացված բողոքը։
Ձմեռային Օլիմպիական խաղերի գեղասահքի մրցումներում Հայաստանը ներկայացնող Կարինա Ակոպովա – Նիկիտա Ռախմանին զույգը կարճ ծրագրում ելույթ կունենա Արա Գևորգյանի «Արցախ» ստեղծագործության ուղեկցությամբ։ Ադրբեջանը, ըստ պաշտոնական հաղորդագրության, ՄՕԿ-ի ներկայացուցիչներին տեղեկացրել է, թե «Արցախ» արտահայտությունն արտացոլում է Հայաստանի «անօրինական և անջատողական քաղաքականության գաղափարախոսությունը՝ Ադրբեջանի միջազգայնորեն ճանաչված տարածքների նկատմամբ»։
«Նման ծրագրի ընտրությունը միջազգային մարզական միջոցառմանը, որը պետք է լինի ապաքաղաքական, ակնհայտորեն հակասում է օլիմպիական արժեքներին», - պնդում էր Ադրբեջանի ԱՕԿ-ը:
Քննարկումների արդյունքում պաշտոնական ծրագրում կատարվել է փոփոխություն․ հայ գեղասահորդների ելույթի երաժշտական ուղեկցումը այժմ գրանցված է «Երաժշտությունը՝ Արա Գևորգյանի» անվամբ։
Հիշեցնենք՝ Կարինա Ակոպովա-Նիկիտա Ռախմանին գեղասահքի սպորտային զույգը կարճ ծրագրի որակավորման փուլում հանդես կգա փետրվարի 15-ին: Ազատ ծրագրի որակավորման փուլը տեղի կունենա փետրվարի 16-ին:
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
