Ալաշկերտը զիջեց վրացական ակումբին

Թուրքիայում ուսումնամարզական հավաք անցկացնող «Ալաշկերտը» ստուգողական խաղում ուժերն էր չափում վրացական «Սամգուրալիի» հետ ու զիջեց 1։3 հաշվով։

Վահե Գևորգյանի գլխավորած թիմն այսօր ևս մեկ ընկերական հանդիպում կանցկացնի։ Մրցակիցը ղազախական «Օրդաբասին» է։

Հիշեցնենք, որ հավաքի առաջին խաղում երևանյան ակումբը 2։0 հաշվով հաղթել էր բուլղարական «Դոբրուջային», 2-րդ խաղում 3։0 հաշվով պարտության էր մատնել հյուսիսմակեդոնական «Վարդարին», իսկ 3-րդ խաղում գոլազուրկ ոչ-ոքի էր ավարտել հանդիպումը ղազախական «Կայսարի» հետ։

«Ալաշկերտն» ընկերական հանդիպումներ կանցկացնի նաև ռուսական «Օրենբուրգի» ու ուզբեկական «Սուրխոնի» հետ։

Երևանյան ակումբի մարզական հավաքը նախատեսված է մինչև փետրվարի 14-ը։