Գերմանիայի 2-րդ Բունդեսլիգայի «Պադերբորն»-«Նյուրնբերգ» (2։1) խաղից հետո «Նյուրնբերգի» գլխավոր մարզիչ Միրոսլավ Կլոզեն խոսել է թիմի նորեկ, Հայաստանի ազգային հավաքականի պաշտպան Ստյոպա Մկրտչյանի մասին․
«Նա թիմի հետ մարզվել էր ընդամենը 2 օր։ Մարզումներն ու կոորդինացիան կատարյալ չեն, բայց նա փորձառու է։ Նա արդեն անցկացրել է բարձր մակարդակի հանդիպումներ՝ հավաքականի կազմում և այդ պատճառով ես ընտրեցի նրան»,-նշել է Կլոզեն։
Հիշեցնենք, որ ակումբին միանալուց 2 օր անց Մկրտչյանն առաջին հանդիպումն էր անցկացրել «Նյուրնբերգում»՝ ընդգրկվելով մեկնարկային կազմում։ Հայ պաշտանը 24-րդ րոպեին 11-մետրանոց էր բերել իր թիմի դարպասին։
Հանդիպումից հետո «Նյուրնբերգը» պաշտոնական սոցիալական ցանցերում հրապարակել էր Մկրտչյանի լուսանկարը կից գրելով․
«Գլուխդ բարձր պահիր, Ստյոպա։ Շնորհավորում ենք մեր գույներով քո առաջին խաղի կապակցությամբ»։
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
