Ուրարտուն պարտությամբ ավարտվեց ուսումնամարզական հավաքը

ԱՄԷ-ում ուսումնամարզական հավաք անցկացնող «Ուրարտուն» ստուգողական խաղում ուժերը չափեց ղազախական «Ելիմայի» հետ ու զիջեց 1։3 հաշվով։

Հավաքի առաջին խաղում «Ուրարտուն» 2։4 հաշվով զիջել էր Ուզբեկստանի ազգային հավաքականին։ Այդ խաղում թիմերն անցկացրել էին 3 խաղակես՝ յուրաքանչյուրը 35 րոպե տևողությամբ։ 2-րդ խաղում երևանյան ակումբը 1։1 հաշվով էր ավարտել հանդիպումը չինական «Ցինդաոյի» հետ։

Մյուս հանդիպումներում Ռոբերտ Արզումանյանի գլխավորած թիմը 2։3 հաշվով զիջել էր Մոսկվայի «Լոկոմոտիվին», 0։2՝ չինական «Չժեցյանին», իսկ այսօր կայացած 1-ին խաղում 5 անպատասխան գնդակ ուղարկել «Յունայթեդ Սպորտի» դարպասը, որը ներկայացնում է ԱՄԷ-ն։