Ամերիկյան կրեատիվություն. Օլիմպիական խաղերում գրանցված գոլը ցուցադրել են խաղալիքի միջոցով (տեսանյութ)

Օլիմպիական խաղերի հոկեյի մրցաշարի Կանադայի և Չեխիայի միջև խաղում (5:0) գոլերից մեկի հեղինակ է դարձել «Նյու Յորք Այլենդերսի» հարձակվող Բո Հորվաթը:

Միջազգային Օլիմպիական կոմիտեի և հեռարձակումների պաշտոնական աղբյուրների հեղինակային իրավունքների պատճառով, Լոնգ Այլենդը ներկայացնող ակումբը ստիպված է եղել գոլի դրվագը սոցցանցերում պատկերել շարժական խաղալիք-արձանիկի օգնությամբ: Տեսանյութը՝ այստեղ։

Նշվում է, որ Հոկեյի ազգային լիգայի (NHL) ակումբներին արգելված է օգտագործել տեսանյութեր նույնիսկ իրենց խաղացողների գոլերի և արդյունավետ գործողությունների դեպքում:

NHL-ի այս կանոնավոր առաջնությունում Հորվաթն անցկացրել է 44 հանդիպում և գրանցել 40 գոլային գործողություն (24 գոլ+16 ասիստ):