Ալաշկերտը հաղթանակով ավարտեց ուսումնամարզական հավաքը

Թուրքիայում ուսումնամարզական հավաք անցկացնող «Ալաշկերտը» հավաքի վերջին օրն անցկացրեց երկու ստուգողական հանդիպում։

Վահե Գևորգյանի գլխավորած թիմն օրվա առաջին խաղում 1։2 հաշվով պարտվեց ռուսական «Օրենբուրգին», այնուհետև 3։2 հաշվով հաղթեց ուզբեկական «Սուրխոնին»։

 Հիշեցնենք, որ հավաքի առաջին խաղում երևանյան ակումբը 2։0 հաշվով հաղթել էր բուլղարական «Դոբրուջային», 2-րդ խաղում 3։0 հաշվով պարտության էր մատնել հյուսիսմակեդոնական «Վարդարին», իսկ 3-րդ խաղում գոլազուրկ ոչ-ոքի էր ավարտել հանդիպումը ղազախական «Կայսարի» հետ, 1։3 հաշվով զիջել էր վրացական «Սամգուրալիին» ու 1։2 հաշվով պարտվել  ղազախական «Օրդաբասիին»։