Որքա՜ն հաճելի է, երբ թիմում կան քրիստոնյաներ և մուսուլմաններ․ Գվարդիոլա

Մանչեսթեր Սիթիի գլխավոր մարզիչ Պեպ Գվարդիոլան արձագանքել է այն հարցին, թե թիմում տարբեր մշակույթների ներկայացուցիչների ներկայությունն արդյոք օգո՞ւտ է բերում։

«Անկասկած։ Որքա՜ն հաճելի է, երբ թիմում կան քրիստոնյաներ և մուսուլմաններ, որոնք սիրում են միմյանց, հարգում են միմյանց և միասին աշխատում։

Խնդիրը որտե՞ղ է։ Խնդիրները ստեղծում են ղեկավարներն ու նախագահները։ Եթե մենք պետք է նրանց վրա «հենվենք», ապա խնդիրներ կունենանք։ Քաղաքակրթությունը մենք պետք է ստեղծենք ինքներս։ Պե՞տք է հենվենք այն մարդկանց վրա, որոնք մեզ ասում են՝ ինչ անել, ինչպես պայքարել միմյանց դեմ», - ասել է իսպանացի մասնագետը։