Փյունիկն ու Լոկոմոտիվը հաղթողին չպարզեցին

ԱՄԷ-ում ուսումնամարզական հավաք անցկացնող «Փյունիկը» ստուգողական խաղում ուժերն էր չափում Մոսկվայի «Լոկոմոտիվի» հետ։ Գրանցվեց ոչ-ոքի՝ 1։1 արդյունքը։

Ռուսական ակումբի կազմում հանդիպման հաշիվը բացեց Դմիտրի Վորոբյով՝ 82-րդ րոպեին։ 6 րոպե անց Դանիլ Կուլիկովը խփեց պատասխան գոլը։ 2 գոլերն էլ հեղինակվեց 11-մետրանոցից։

Հավաքի 1-ին խաղում Հայաստանի 16-ակի չեմպիոնը մրցել էր ԱՄԷ-ի երրորդ դիվիզիոնը ներկայացնող «Յունայթեդ Սպորտի» հետ ու հաղթել էր 5։0 հաշվով, 2-րդ խաղում, ունենալով 2 գնդակի առավելություն, «փյունիկցիները» 2։3 հաշվով զիջել էին ռուսական «Ուրալին»։

Հաջորդ խաղերում «Փյունիկը» ոչ-ոք էր ավարտել հանդիպումը լատվիական «Ռիգայի» հետ, նվազազույն հաշվով հաղթել էր «Ալ-Իթիֆաքին» ու չինական «Յունան Յուկունին», 0։2 հաշվով զիջել էր Մոսկվայի «Սպարտակին», ոչ։ոքի էր ավարտել հանդիպումը չինական «Ցինդաո Ուեստ Քոսթի» հետ ու 0։3 պարտվել էր Սամարկանդի «Դինամոյին»։ 

«Փյունիկի» ուսումնամարզական հավաքը նախատեսված է մինչև փետրվարի 19-ը։