Ատլետիկոյի հետ խաղից հետո զրուցել եմ մրցավարի հետ․ Մեր պարտությունը նրանց մեղքով չէր․ Ֆլիկ

«Բարսելոնայի» գլխավոր մարզիչ Հանս-Դիտեր Ֆլիկ-ը պատմել է, որ Իսպանիայի գավաթի կիսաեզրափակիչում «Ատլետիկո Մադրիդից» 0:4 հաշվով կրած պարտությունից հետո զրուցել է հանդիպման գլխավոր մրցավարի հետ։

«Ինձ համար ամենակարևորը թիմի վրա կենտրոնանալն է և այն ամենի, ինչը կարող ենք վերահսկել՝ մեր խաղաոճը, մտածելակերպը և այն, թե ինչպես կարող ենք բարելավել մեր խաղը դաշտում։ Մնացածն ինձ այնքան էլ չի անհանգստացնում, թեև լինում են տհաճ իրավիճակներ։

Ես խոսեցի մրցավարի հետ նրանց հանդերձարանում և զրույցը լավ անցավ։ Այն ինչ զրուցել ենք՝ կմնա գաղտնի։ Դա դրական քայլ էր, սակայն պարտությունը որևէ կերպ նրա մեղքով չէր։

Ես թակեցի դուռը և մենք հանգիստ զրուցեցինք։ Այնուամենայնիվ, ամենակարևորը թիմի և խաղադաշտում տեղի ունեցող իրադարձությունների վրա կենտրոնանալն է։ Ես զգում էի, որ պետք է խոսեմ նրանց հետ և շնորհակալ եմ այդ հնարավորության համար։ Դա ճիշտ քայլ էր»,- Ֆլիկի խոսքերը մեջբերում է AS-ը։

Հիշեցնենք, որ կատալոնական ակումբը կիսաեզրափակիչի առաջին խաղի բոլոր 4 գոլերն էլ ընդունել էր առաջին կեսում։ Թիմերի միջև պատասխան հանդիպումը տեղի կունենա մարտի 4-ին։