Էլինա Ավանեսյանը պարտվել է Մեքսիկայի WTA-500 մրցաշարի կիսաեզրափակչում

Հայաստանի ներկայացուցիչ Էլինա Ավանեսյանը չի կարողացել դուրս գալ Մեքսիկայի Մերիդա քաղաքում ընթացող թենիսի WTA-500 մրցաշարի եզրափակիչ:

Կիսաեզրափակչում հայ թենիսիստուհին 3։6, 3։6 հաշվով զիջել է ամերիկուհի Էմմա Նավարոյին։ Մրցախաղը տևել է 1 ժամ 19 րոպե։

Ավանեսյանը կիսաեզրափակիչ էր դուրս եկել երեք անընդմեջ հաղթանակներից հետո:

Մեկնարկում նա 2:1 (4:6, 6:3, 6:3) հաշվով հաղթել էր լեհ, աշխարհի 31-րդ ռակետ Մագդալենա Ֆրենխին, երկրորդ շրջանում 6:1, 6:4 հաշվով առավելության էր հասել աշխարհի 66-րդ ռակետ, իսպանացի Ջեսիկա Բուզաս Մանեյրոյի նկատմամբ, իսկ քառորդ եզրափակչում 2:1 (4:6, 6:2, 6:0) հաշվով հաղթել էր Ավստրալիայի ներհայացուցիչ Մայա Ջոինտին: