Օլիմպիական խաղեր-2026. Էթերի Տուտբերիձեն իրավունք ունի օգնել Ադելիա Պետրոսյանին
Հանրահայտ մարզիչ Էթերի Թուտբերիձեն իրավունք ունի օգնել իր սանին՝ գեղասահքի Ռուսաստանի եռակի չեմպիոն Ադելիա Պետրոսյանին, ձմեռային Օլիմպիական խաղերի ժամանակ։ Այդ մասին հայտնել է Միջազգային օլիմպիական կոմիտեի (ՄՕԿ) հաղորդակցության գծով տնօրեն Մարկ Ադամսը։
«Ակնհայտ է, որ նա գլխավոր մարզիչը չէ, և դուք կարող եք տեսնել, որ շատ մարզիչներն իսկապես օգնում են այլ մարզիկների։ Սրա մեջ իրականում արտասովոր ոչինչ չկա. չկա որևէ կանոն, որն արգելում է դա»,- Ադամսի խոսքերն է մեջբերում ТАСС-ը։
Ավելի վաղ հայտնի էր դարձել, որ Թուրին-2026-ի կայքում Թուտբերիձեն գրանցված է որպես Պետրոսյանի մարզիչ ընթացիկ Խաղերում։ Հայ գեղասահորդուհու մարզիչների թվում նշված են նաև Սերգեյ Դուդակովը և Դանիիլ Գլեյխենհաուզը։
2025 թվականի սեպտեմբերին՝ Պեկինում կայացած ընտրական մրցաշարի ժամանակ, Չմշկորդների միջազգային միությունը (ISU) արգելել էր Թուտբերիձեին նույնիսկ շփվել Պետրոսյանի հետ, քանի որ Էթերին հավատարմագրված էր որպես Վրաստանի հավաքականի մարզիչ։
Կանանց գեղասահքի օլիմպիական մրցումները կմեկնարկեն փետրվարի 17-ին՝ կարճ ծրագրերով։ Ադելիա Պետրոսյանի ելույթը նախատեսված է Երևանի ժամանակով 21:59-ից: Փետրվարի 19-ին նա հանդես կգա ազատ ծրագրերով։
