Նոայի հավանական նորեկը խոստովանել է՝ փողը որոշիչ գործոն էր

Ռումինական «Արադի» հարձակվող Վալենտին Կոստաչեն հայտարարել է, որ իր ընտանիքի ֆինանսական բարորության համար է տեղափոխվում Հայաստան:

Ռումինացին ամսական ստանալու է 30 հազար եվրո, հաղորդում է prosport.ro-ն:

«Այդպես ստացվեց, ես ընտրեցի այս ուղին, որովհետև մտածում էի նաև իմ ընտանիքի ապագայի մասին: Ակումբները պետք է պայմանագրի կետ ակտիվացնեն, որից հետո ես կդառնամ «Նոայի» ֆուտբոլիստ:

Ես չէի ցանկանում հեռանալ «Արադից», որովհետև որևէ թիմում այդքան երջանիկ չեմ եղել, որքան այստեղ: Մինչև «Նոայի» առաջարկն ընդունելը, բազմաթիվ առաջարկներ եմ մերժել», հայտարարել է Կոստաչեն:

Սպասվում է, որ Հայաստանի չեմպիոնը 150 հազար եվրոյով ակտիվացնելու է ֆուտբոլիստի հրաժարագինը: