Մբապե․ Պրեստանին 5 անգամ կապիկ անվանեց Վինիսիուսին

Մադրիդի «Ռեալի» հարձակվող Կիլիան Մբապեն Չեմպիոնների լիգայի փլեյ-օֆֆի՝  «Բենֆիկայի» հետ (1:0) առաջին խաղից հետո հայտարարել է, որ պորտուգալական ակումբի վինգեր Ջանլուկա Պրեստիանին 5 անգամ «կապիկ» է անվանել մադրիդյան թիմի հարձակվող Վինիսիուս Ժունիորին։

«Պրեստիանին 5 անգամ Վինիսիուսին կապիկ անվանեց։ 5 անգամ։ Եվ ես ինքս տեսել ու լսել եմ դա։ Նա շապիկով ծածկել էր դեմքը, որպեսզի ոչ ոք դա չտեսնի ու չլսի, բայց խաղից հետո նրա արձագանքից, դեմքից ու պահվածքից ամեն ինչ հստակ երևում էր։ Նրա դեմքը չի ստում», — Մբապեի խոսքերը մեջբերում է Marca-ն։

Հիշեցնենք, որ երկրորդ խաղակեսում հանդիպումը դադարեցվել էր այն բանից հետո, երբ բրազիլացի հարձակվող Վինիսիուս Ժունիորը «Բենֆիկայի» վինգեր Ջանլուկա Պրեստիանիին մեղադրել էր ռասիզմի մեջ։