Կտեսնվենք Բերնաբեուում․ Վինիսիուսի գրառումը

Մադրիդի «Ռեալի» վինգեր Վինիսիուս Ժունիորը Չեմպիոնների լիգայի փլեյ-օֆֆի առաջին խաղում «Բենֆիկայի» նկատմամբ տարած հաղթանակից (1:0) հետո հրապարակում է կատարել։

Վինիսիուսը հրապարակել է լուսանկար Կիլիան Մբապեի հետ, և լուսանկարին կից գրել է. «Կտեսնվենք «Բերնաբեուում»։

Հիշեցնենք, որ երկրորդ խաղակեսում բրազիլացին խփել էր հաղթական գոլը, որը տոնել էր անկյունային դրոշը ոտքերի միջև պահած՝ պարելով, ինչի համար ստացել էր դեղին քարտ։ Ավելի ուշ ֆուտբոլիստը հայտարարել է, որ Ջանլուկա Պրեստիաննիի կողմից հնչել են ռասիստական արտահայտություններ, ինչի պատճառով հրաժարվել էր շարունակել հանդիպումը։   

«Ռեալի» և «Բենֆիկայի» միջև պատասխան հանդիպումը կկայանա փետրվարի 25-ին՝ Մադրիդի «Սանտիագո Բեռնաբեու» մարզադաշտում։