Նա ինձ սխալ է հասկացել. Պրեստիանին հերքել է, որ Վինիսիուսին «կապիկ» է անվանել

«Բենֆիկայի» եզրային հարձակվող Ջանլուկա Պրեստիանին հայտարարել է, որ ռասիստական վիրավորանքներ չի հնչեցրել Մադրիդի «Ռեալի» վինգեր Վինիսիուս Ժունիորի հասցեին:

Չեմպիոնների լիգայի անցումային փուլի առաջին խաղում «Ռեալը» արտագնա հաղթանակ է տարել 1:0 հաշվով: Հանդիպումը դադարեցվել էր երկրորդ խաղակեսում այն բանից հետո, երբ Վինիսիուս Ժունիորը մեղադրել է Ջանլուկա Պրեստիանիին իրեն «կապիկ» անվանելու մեջ: Բրազիլացու նշած դրվագում արգենտինացին բերանը փակել է խաղաշապիկով, ինչն անհնարին էր դարձրել խոսքերը շուրթերի շարժումով վերծանելը:

«Ցանկանում եմ հստակեցնել, որ ես ոչ մի դեպքում ռասայական վիրավորանք չեմ հասցրել Վինիսիուս Ժունիորին: Ցավոք, նա սխալ է մեկնաբանել լսածը:

Ես երբեք ռասիզմ չեմ դրսևորել որևէ մեկի նկատմամբ: Ինձ համար ցավալի էր լսել սպառնալիքներ «Ռեալի» խաղացողների կողմից»,- գրել է Պրեստիանին սոցիալական ցանցում: