Արսենալն ինքնագոլի արդյունքում բաց է թողել հաղթանակը Վուլվերհեմփթոնի դեմ խաղում

Անգլիայի Պրեմիեր լիգայի 31-րդ տուրից հետաձգված խաղում «Վուլվերհեմփթոնը» սեփական հարկի տակ ընդունել է «Արսենալին» և ոչ-ոքի՝ 2-2 հաշվով ավարտել հանդիպումը:

Հանդիպման հաշիվը բացել է «Արսենալի» հարձակվող Բուկայո Սական՝ խաղի արդեն հինգերորդ րոպեին։ Պաշտպան Պիերո Ինկապին խփել է երկրորդ գոլը 56-րդ րոպեին։ Հինգ րոպե անց «Վուլվերհեմփթոնի» պաշտպան Հյուգո Բուենոն կրճատել է տարբերությունը։ 90+4 րոպեին «Արսենալի» պաշտպան Ռիկարդո Կալաֆիորին դարձել է ինքնագոլի հեղինակ, ինչի արդյունքում հաշիվը հավասարվել է:

Անգլիայի Պրեմիեր լիգայի 27 խաղից հետո «Արսենալը» ունի 58 միավոր և շարունակում է գլխավորել մրցաշարային աղյուսակը։ «Վուլվերհեմփթոնը» վաստակել է 10 միավոր և այժմ զբաղեցնում է 20-րդ տեղը։

Հաջորդ տուրում «Վուլվզը» կմրցի «Քրիստալ Փելասի», իսկ «Արսենալը»՝ «Տոտենհեմ» հետ։ Երկու խաղերն էլ կկայանան փետրվարի 22-ին։