Նոան խոշոր հաշվով հաղթեց Շիրակին

Ֆաստեքս ՀՊԼ 21-րդ տուրում «Նոան» Շենգավիթի «Ջունիոր սպորտ» մարզադաշում 4 անպատասխան գնդակ ուղարկեց «Շիրակի» դարպասը։

Երևանյան թիմի կազմում դուբլի հեղինակ դարձավ Գոնսալո Գրեգորիոն, մեկական անգամ էլ աչքի ընկան Էրալդո Չինարին ու Ալմեյդան, որի համար սա առաջին գոլն էր «Նոայի» կազմում։

Այս հաղթանակից հետո «Նոան» 46 միավորով առաջին տեղում է։ Ռուի Մոտայի գլխավորած թիմն անցկացրել է 18 խաղ։ Մեկ խաղ ավելի անցկացրած «Ուրարտուն» 41 միավորով երկրորդն է։