Ադելիա Պետրոսյանը 6-րդն է Օլիմպիական խաղերում

Հայկական արմատներով ռուս գեղասահորդուհի Ադելիա Պետրոսյանը Իտալիայում կայացած Ձմեռային օլիմպիական խաղերի կանանց մենասահքում զբաղեցրել է վեցերորդ տեղը։ 18-ամյա մարզուհին կարճ և ազատ ծրագրերի հանրագումարում 214.53 միավոր է վաստակել։

Օլիմպիական չեմպիոնի կոչմանն արժանացել է ԱՄՆ ներկայացնող Ալիսա Լյուն՝ 226.79 միավորով։ Ճապոնացի  Կաորի Սակամոտոն դարձել է արծաթե մեդալակիր՝ 224.90 միավորով։ Ճապոնիայի մեկ այլ ներկայացուցիչ՝ Ամի Նակայը, նվաճել է բրոնզե մեդալ՝ 219.16 միավորով։

Նշենք՝ 66 տարվա մեջ առաջին անգամ ռուս մարզիկներ որևէ մեդալ չեն նվաճել ՕԽ գեղասահքի մրցումներում:

Օլիմպիական խաղերը կավարտվեն փետրվարի 22-ին։